معادلة الانجليزي :
هو انو تختفي مادة الانجليزي من جدولك و ما تأثر في معدلك او نسبتك، تتعادل لك كل مستويات الانجليزي بغض النظر انتِ انوضعتي في اي مستوى في الجامعة.
كيف اعادل الانجليزي ؟
بأختبار التوفل او الايلتس.
هل حيأثر على معدلي بشكل سيء ؟
ابدًا، بالعكس جدولك يسير قصير و مريح و يعطيكي وقت تزاكري اكثر.
لو قررت اعادل الانجليزي هل برضو اختبر اختبار تحديد المستوى حق الجامعة ؟
ايوا، الواحد ما يعرف ايش ممكن يسير، اختبري اختبار تحديد المستوى.
ايش هو اختبار الايلتس ؟
عبارة عن اختبار يقيس مستواكِ باللغة الانجليزية، فيه 4 أقسام reading, writing, listening and speaking.
متى اختبر الاختبار ؟
في هذا الصيف، احرصي انو ما يجي بداية الترم الا و انت اختبرتي الايلتس لو كنتي تبي تعادلي.
متى اعادله و كيف ؟
في أول اسبوعين دراسية من الترم او بعده بقليل، فقط تروحي لمعهد الانجليزي او مبنى الانجليزي و تجيبي شهادتك حقت الايلتس + بطاقتك الجامعية و هما يعادلوه لك.
كم لازم اجيب في الاختبار حتى تتم معادلة كل مستويات الانجليزي ؟
الاختبار من 9 لازم تجيبي 4.5 او أكثر حتى تقبل الجامعة تعادل الانجليزي لك.
كم تكلفة الاختبار ؟
925 ريال.
هل لازم اذاكر للإختبار ؟
ايوا، لازم تذاكري للاختبار و تعرفي اسلوب الاسئلة و طرق الحل الذكية، و المذاكرة له ممكن تاخد لك اسبوع، اسبوعين او اكثر حسب مستواكِ.
كيف اذاكر له ؟
عندك عدة مصادر:
١- اليوتيوب، في قنوات كثير للايلتس، قناة IELTS liz ممتازة.
٢- تاخدي كورس عند الBritish council للايلتس.
٣- اذا تحبي التعليم الذاتي بنفسك، ممكن تشتري كتب تعلميه من جرير للايلتس.
كيف اقدر اختبر الايلتس ؟
١- ادخلي على هذا اللنك :
٢- اختاري الشهر و المدينة الي تبي تختبري فيها و احرصي انو يكون قبل ما يبدأ الترم و احرصي انو يكون عندك وقت تزاكري له.
٣- الmodule ينفع تختاري النوعين، علمًا انو ممكن على سنتكم يسيروا ما يقبلوا الا academic. فا أسألوا هذا الاكاونت @EnglishLIKAU اذا يقبلو اختبار ايلتس general للمعادلة.
٤- حتحددي اليوم و حتعبي بيانات و تختاري الطريقة المناسبة ليكِ في الدفع.
ملحوظة:
اختبار الايلتس general أسهل من academic لأنه يقيس مستواكِ في الانقلش بشكل عام بينما الاكادميك يقيس مستوى فهمك للكلمات العلمية بالانقلش.
و لكن زي ما قلت استفسروا اذا يقبلوه على سنتكم او لا.
و اذا واجهتوا اي صعوبة هذا رقم الBritish council بجدة : 0126576200
السنة المصيرية 